ખંજન

એક બુંદ વમળ બની જાય છે...

ધરતી ના ગાલ નું ખંજન બની જાય છે...

"પલ"

તમે મળશો જ એમ વિચારી ચાલતો હતો જે રાહ પર,
"પલ" કેમ કરી જાઉં પાછો એ રાહ પર,
જ્યાં જ્યાં થી હું નીકળ્યો, પગલા ભુંસતો આવ્યો છું.

"પલ"

ઇન્તજાર કરવાની "પલ" કેવી સજા મળી છે...
શ્વાસ સળગે છે, હૃદય તડપે છે, ને તોય જીવવા ની રજા મળી છે.

"પલ"

બસ તમારો ઇન્તજાર કરી રહ્યો છું...

"પલ" પલ સદીઓ ની જેમ વિતાવી રહ્યો છું...

શું યોગ્ય છે....??

આપણા વ્યવહાર માં એવું ઘણું છે..................... જે બદલવા જેવું છે,

આપણને ના ગમે એ બીજા સાથે ના કરીએ એ ધ્યાન રાખવા જેવું છે,

એમાનું જ એક વર્તન છે જેને "ઉધ્ધતાઈ" કહે છે દોસ્તો,

વિચારો શું યોગ્ય છે? શું કહ્યું મારું અમલ માં મુકવા જેવું છે..!!??

"પલ"

આંખ ને કહું, કે તું પાંપણ ની હલચલ બંધ કર,

ને ઓ શ્વાસ, તું અવરજવર નો અવાજ ના કર,

નીરખી રહ્યો છું "પલ", રોક ના મને ઓ જીંદગી,

આમજ ડૂબતી રહે પ્રેમ માં, તું મોત નો ડર ના કર.

શું યોગ્ય છે . . ???

તકલીફ તો ઘણી હશે જીંદગી માં, ને આવતી રેહશે,

ક્યારેક મને તો ક્યારેક તમને સતાવતી જ રેહશે,

તમેજ કહો તો પછી શું યોગ્ય છે વ્યવહાર માં...??

બીજા ની મુસીબત જોઈ, ખુશ થવું..? અનદેખું કરવું..?

કે મદદ નો હાથ ફેલાવવો, મુસ્કુરાઈ ને થોડું..!!!???

વાદળ

વહી જાય છે ક્યાં, તું ઓ વાદળ,

જેટલું તું વરસ્યો છે એમાં તો....

આંસુ પણ નથી છુપાવી શક્યો..!!

સંબંધો....

કંઈક મળી ગયા છે સંબંધો જીંદગી માં એવા,

"પલ"ભર પણ ભૂલી ના શકુ હું......

છપાઈ ગયા છે એ હૃદય પર એવા...

એવું ગમે...

ચોમાસુ આવે ને ઘેરાય વાદળ, એવું ગમે,

મંડપ સમુ બંધાય એ વાદળ, એવું ગમે.

વેહતા પવન થી લેહરાય વાદળ, એવું ગમે,

ઉડતા પંખી જોઈ હરખાય વાદળ, એવું ગમે.

વીજળી જોર થી તને ધ્રુજાવે ઓ વાદળ, એવું ગમે,

પાણી તારું છલકાવી જાય એ વાદળ, એવું ગમે.

ભીંજવે તું પ્રેમ થી આ ધરા ઓ વાદળ, એવું ગમે,

ધરતી સજે રૂડા શણગાર ઓ વાદળ, એવું ગમે.

વૃક્ષો મસ્તી થી નહાય જો વાદળ, એવું ગમે,

વેલ પણ જો કેવું લપેટાય ઓ વાદળ, એવું ગમે.

અંતર માં ઉભરાય મીઠી લાગણી ઓ વાદળ, એવું ગમે,

ને તોય તરસે, ભીંજાયેલું આ હૈયુ ઓ વાદળ, એવું ગમે.

તારી છાંવ માં કરું હું કોઈનો ઇન્તજાર ઓ વાદળ, એવું ગમે,

"પલ" આવે પછી, ને મુસ્કુરાય ઓ વાદળ, એવું ગમે.

ચોમાસુ આવે ને ઘેરાય વાદળ, એવું ગમે,

મંડપ સમુ બંધાય એ વાદળ, એવું ગમે.

શું યોગ્ય છે . . ???

દરેક માણસ ની કોઈક ને કોઈક કુશળતા હોય છે,

ને દરેક ની કોઈક ને કોઈક અસમર્થતા પણ હોય છે,

તો તમેજ કહો દોસ્તો કે શું યોગ્ય છે વ્યવહાર માં ??

કુશળતા ને વખાણી હજુ આગળ ધપવા પ્રેરવું જોઈએ ...........

કે પછી અસમર્થતા ની મજાક કરી હિંસક આનંદ લેવો જોઈએ?

"પલ"

ઘાયલ થઇ જાય છે કોઈ, તો કોઈ હોશ ગુમાવી દે છે,

ને.. નિસાસા નાખી નાખી ને કોઈ શ્વાસ જલાવી દે છે,

થયું..? એવું તો શું છે એમાં જે ભાન ભુલાવી દે છે......

"પલ" એક નજર કરી તો ખ્યાલ આવ્યો...,

....................................... કે આ રૂપ પ્રેમ કરાવી દે છે.

સ્વીકાર ના કર્યો...

શું કારણ હશે એવું, કે એમને ફરી યાદ ના કર્યો,

મુસ્કરાયા તો હતા જોઇને, પણ વિચાર ના કર્યો..!!

છલકાવી ને પ્રેમ થી આ હૃદય, મેં ધર્યું હતું એમને,

શું ખૂટ્યું હશે કંઈક એવું, કે એમને સ્વીકાર ના કર્યો .?

કામ

જોયું છે, જાણ્યું છે, ને અનુભવ્યું છે તેથી કહું છું,

ગભરાઈ ને છોડી દઈશું તો શું પૂરું થઇ જશે કામ?

આપો આપ રસ્તો નીકળી આવશે, બસ શરુ કરી દો કામ..

કલાકાર વરસી ગયો....

વરસી ગયો... વરસી ગયો...જુઓ જુઓ, વરસાદ વરસી ગયો,

બુંદો ની કલમ થી ધરતી શણગારવા જાણે એક કલાકાર વરસી ગયો..

ગરમી થી રેબઝેબ ધરતી પર, ફેલાવી દીધી એને મીઠી એક મહેક,

આગમનની આગાહી પેહલે થી આપી, જુઓ કેવો રુઆબદાર વરસી ગયો..

ફૂલ-છોડ ને, ને વેલ-વૃક્ષો ને, કેવા તો રંગ થી એ રંગી ગયો,

ને ધરતી ને લીલી ચાદર પેહરાવી, જુઓ એક ચિત્રકાર વરસી ગયો...

ઝરમર-ઝરમર ના સંગીત વચ્ચે, કેવા કેવા મેઘનાદ કરી ગયો,

હાથ, પગ ને હૈયું ડોલાવતો, જુઓ એક સંગીતકાર વરસી ગયો...

જીવ-જંતુ, પશુ-પક્ષી ને.. ને ધરતી ના કણ કણ ને જીવંત કરી ગયો,

જીવતા માણસ ના હૃદય માં પણ, કેટલીયે સુતેલી લાગણી ઓ જગાડી ગયો,

શું કહું હજુ વધારે "પલ", લાગે છે શ્રુષ્ટિ નો રચનાર વરસી ગયો....

વરસી ગયો... વરસી ગયો...જુઓ જુઓ, વરસાદ વરસી ગયો,

બુંદો ની કલમ થી ધરતી શણગારવા જાણે એક કલાકાર વરસી ગયો.

શું યોગ્ય છે . . ???

સામાજિક કે આર્થિક, સંબંધો ની જ આ વાત છે,

ઘર, ઓફીસ, કે દુકાન, દરેક સ્થળ ની જરૂરિયાત છે,

વચન આપ્યું છે કોઈને તો પૂરું કરવું સમયસર....,

અવગણી ને અપમાન કરવું કોઈનું, એ શું યોગ્ય વાત છે??

"પલ"

સાગર માં ડૂબી ને પણ હું તરસ્યો રહી ગયો,

ને એક નજર થી તમારી સંતોષ થઇ ગયો !!

વરસાદ માં પલળી ને પણ હું કોરો રહી ગયો,

ને આંસુ જોઈ તમારું આખે-આખો ભીંજાઈ ગયો !!

ખબર નહોતી અત્યાર સુધી...

............. કે હું જીવતો હતો, કે શ્વાસ લેવાઈ ગયો !!

પણ તમને જોયા છે ને "પલ", ત્યાર થી...

........દરેક શ્વાસ તમારું નામ લઇ જીવાઇ ગયો !!!

વાર નથી લાગતી !!!

કેટલું નાજુક આપ્યું છે ભગવાને આ હૃદય... જાણીએ જ છીએ ને !!

છતાંયે કોઈ નું દિલ તોડતા આપણને એક ક્ષણ ની પણ વાર નથી લાગતી...

એનું શું..??

"ના બોલ્યા માં નવ ગુણ", ને, "બોલે તેના બોર વેચાય",

કેહવત છે.... જાણીએ છીએ ..... સમજીએ પણ છીએ.....

પણ.. ઉપયોગ ખોટી જગ્યા એ કરીએ છીએ એનું શું ???