માફ કરજો મને

તસવીર તમારી આંખો માં વસાવી, પાંપણ ઝુકાવી, તમને કેદ કરી લઉં છું,
માફ કરજો મને, પણ એવી રીતે હું તમને યાદ કરી લઉં છું.....

શ્વાસ ની અવર જવર વચ્ચે તમારી ખુશ્બુ હું મેહસૂસ કરી લઉં છું,
માફ કરજો મને, પણ એવી રીતે હું તમને યાદ કરી લઉં છું.....

હોઠો ની હલચલ વચ્ચે કાયમ તમારું નામ ઉચ્ચારી લઉં છું,
માફ કરજો મને, પણ એવી રીતે હું તમને યાદ કરી લઉં છું.....

તમારા વર્ણન માટે મારા શબ્દો નો હું થોડો પ્રાસ બેસાડી લઉં છું,
માફ કરજો મને, પણ એવી રીતે હું તમને યાદ કરી લઉં છું.....

કમનસીબ

સાંભળ્યું હતું કે દરેક દર્દ નું મરહમ બની જાય છે સમય,
હું તો એમાં પણ કમનસીબ છું, જખમ હજુ એવાજ છે.

ખાલીપો

આંસુ પણ નથી આવતા હવે તો તમારી યાદ સાથે,
ખાલીપો સળગે છે બસ હવે તો શ્વાસ સાથે.

તકલીફ

તમારી ઉપસ્થિતિ નથી, તો જુઓ ને...
શ્વાસ ની અવર જવર પણ તકલીફ આપે છે હવે.